Mareykanka oo sheegay inuu Maxkamad soo taagayo Nin Eritrean ah oo lagu eedeeyay inuu tababarro iyo dhaqaale siiyay Xarrakatul-Shabaab
Talaado, Mar 09, 2010 (ufayn.com) - Dalka Mareykanka ayaa lagu wadaa in lagu xukumo nin u dhashay dalka Eritera oo lagu eedeeyay inuu tababarro iyo gargaar lacageed siiyay Xarrakatul Shabaabul Mujaahidiin.
Ninkan oo lagu magacaabo Maxamed Ibraahim Axmed ayaa laga soo qabtay dalka Nigeria iyadoo la gaarsiiyay Magaalada New York Sabtidii lasoo dhaafay, waxaana lagu wadaa in Maxkamad lasoo taago.
Eedeysanahan oo xiran dharka maxaabiista ayaa lasoo taagay Maxkamad waxaana lagu eedeeyay inuu lacag gaaraysa 3,000-Dollar uu siiyay Xarrakatul Shabaab uuna ka bixiyay tababarro ku saabsan sida loo sameeyo walxaha qaraxa saldhigyo ku yaalla Degmooyinka Baraawe iyo Kismaayo oo ay gacanta ku hayso Xarrakada.
Maxkamadda ayaa waxay soo bandhigtay cajalad muujinaysa isagoo tababar bixinaya, inkastoo garyaqaanka difaacaya uu sheegay inaysan jirin wax dambi ah oo uu qabo eedeysanahan oo muddo dheer ku noolaa dalka Sweden.
Tababarradan ayaa la sheegay inuu bixiyay sannadkii lasoo dhaafay ee 2009, inkastoo aanu isagu ka hadlin dambiga loo haysto, sidoo kalena Xarrakatul Shabaabul Mujaahidiin ayaan weli ka hadlin dambiga lagu soo oogay ninkan.
Haddii dambiga loo haysto uu ku cadaado Axmed ayaa wuxuu mudan karaa xabsi ka badan 45-sano, iyadoo horay Maxkamdaha dalka Mareykanka loo horkeenay dad lagu eedeeyay inay xiriir la leeyihiin Xarrakatul Shabaabul Mujaahiidiin.
|
jaamacad bariga africa ee magaalada Boosaso (video)
Tacsi inaalilaahi wa inaa ilahay rajucuun waxaa halkaan tacsi tiiraanyo leh
Tahniyad Dhalasho
Riz Khan oo ka hadlay arimaha Soomalia iyo alshabaab
Al jazeera oo booqatay goobaha ay ku sugan yihiin ciidamada SCC
Dowlada KMG ee soomaaliya ayaa militeri ahaan u adeegsata ciyaal aad u yar 
wiil soomaaliyeed oo qaadaya anaasheed qiimo leh
xafaladii qalin jabinta ardayda maamulka iyo dhaqaalaha jamacada dalka suda
Sanad Guuradii 12aad ee Kasoo Wareegtay Asaaskii Dowladda Puntland oo Siwey
Beeldaaje cali farax oo ka hadalay amaanka puntland.
waa qaybtii sedexaad iyo qaybtii afaraad ee muxaadaradii ka hadlaysay fidna
xafladii qalin jabinta jaamacada Vinnitsa National Medical University oo ay
Tahniyad dhalasho cawa iyo ayaan leh oo loo diraya Cabdul qaadir cumar iyo 
Tahniyad dhalasho Mudane Maxed beldaje ali beldaje farax iyo Fatima Nabadoo